Con motivo da campaña da RENDA 2021 lembrámosvos que podedes desgravar o pago das vosas cotas colexiais na declaración.
***NON precisades certificado do COTSG ***
***Recordade que como xustificante ante Facenda do pago da cota colexial bastará co extracto bancario que xustifique o pago do mesmo***
Se por algunha razón concreta precisades este certificado, podedes solicitalo ao mail: info@traballosocial.gal co asunto “Certificado Renda 2021” e os vosos datos de contacto.Debedes introducir o importe satisfeito ao COTSG no exercicio 2021 no Modelo D-100, na súa páxina destinada a ‘Rendementos do Traballo’, dentro do apartado correspondentes a Cotas satisfeitas a Colexios Profesionais.
As cotas colexiais considéranse gastos deducibles que restan da base impoñible.
As cotas aboadas polas persoas físicas aos Colexios Profesionais son consideradas pola normativa tributaria como gastos deducibles.
O artigo 19 da Lei IRPF indica os seguintes requisitos:
- Cotas satisfeitas aos Colexios Profesionais.
- Que a colexiación teña carácter obrigatorio para o desempeño do traballo.
- Cun límite de 500,00 € anuais.
Artigo 19 Rendemento neto do traballo
2. Terán a consideración de gastos deducibles exclusivamente os seguintes:
d) As cotas satisfeitas a sindicatos e colexios profesionais, cando a colexiación teña carácter obrigatorio, na parte que corresponda aos fins esenciais destas institucións, e co límite que regulamentariamente se estableza.
Nesta ligazón, poderás saber de que maneira incluír a cota na declaración da renda: https://youtu.be/OnYxj3gJdZI
