Colexio Oficial de Traballo Social de Galicia

A Asociación de Mulleres Xuristas, Themis, publica o seguinte estudo: ‘Estudio comparado de la regulación del consentimiento en los delitos contra la libertad e indemnidad sexual. Buenas prácticas y estrategia para combatir la violencia sexual desde la perspectiva de género’. O estudo está dispoñible aquí.

Adrián Rodríguez, alumno de doutorado en psicoloxía na Universidad de La Laguna, está a traballar nunha tese doutoral que analiza a percepción dos profesionais do Traballo Social sobre o autocoidado e o benestar profesional. Co obxectivo de traballar nesta investigación, pídese a colaboración de persoas colexiadas neste proxecto, cubrindo este formulario.

A Asociación Columbares, en colaboración co Grupo de Investigación de Psicoloxía Social Aplicada (GIPSA) e coa Unidade de Xénero do Servizo de Psicoloxía Aplicada (SEPA) da Universidad de Murcia, impulsa un proxecto para avaliar o autocoidado e os niveis de benestar emocional en profesionais da intervención social e profesionais que traballan con mulleres que sobreviviron á violencia de xénero.

Neste sentido, buscan a colaboración de profesionais do Traballo Social neste tipo de casos, que poden aportar a súa visión cubrindo este cuestionario.

A Universidad de Zaragoza e o CRC-W (Centro de Investigación para o Benestar Psicolóxico, Familiar e Social) da Universidade Católica Portuguesa, están a realizar unha investigación sobre a relación entre o benestar profesional e a participación política do Traballo Social.

Para completar a súa investigación, solicitan a colaboración das persoas colexiadas cubrindo este cuestionario.

O equipo InnovahubSS, integrado por profesionais do Traballo Social, docentes e investigadores/as da Universidade de Huelva e da Universidade Pablo Olavide están a realizar un estudo titulado “Innovación y diagnóstico de las competencias digitales de las/os profesionales de Servicios Sociales”. O obxectivo desta investigación é avaliar as competencias dixitais e o uso das ferramentas tecnolóxicas dos profesionais dos Servizos Sociais.

Neste sentido, piden a colaboración dos profesionais do sector, quen poden contestar anonimamente a este cuestionario.

Acaba de publicarse o artigo “Pensar en calidad desde el Trabajo Social: opiniones y propuestas”, das investigadoras Victoria Ochando Ramírez e Juana María Morcillo Martínez. Entre as persoas que participaron na investigación exploratoria, houbo persoas voluntarias do COTSG. O artigo pode consultarse nesta ligazón.

A Fundación FOESSA anuncia un Concurso de Proxectos de Investigación para a súa execución durante o ano 2023. Os proxectos deberán versar sobre as temáticas incluidas nos catro eixos fundamentais que sintetizan as liñas da investigación da citada fundación: estrutura social e desigualdade, axentes e actores sociais, dimensión internacional do desenvolvemento e procesos globais, e metáforas que xeran modelo social. O premio consiste nunha dotación económica de 15.000 euros co obxectivo de desenvolver total ou parcialmente o proxecto, ata convertilo nun informe de investigaión.

Nesta ligazón pódense consutlar as bases de dito concurso. A data límite de inscrición é o 15 de xuño de 2023.

Ana Martínez, traballadora social, está a realizar a súa tese doutoral sobre as relacións sociais e as políticas nas que se ve inmersa a nosa profesión. No marco deste proxecto, precisa unha serie de entrevistas con profesionais do Traballo Social que atendan nos servizos sociais básicos e que presten unha atención directa. Se queres participar nestas entrevistas, escribe un e-mail á investigadora amartinezrodero@usal.es

Médicos do Mundo está realizando unha investigación para mellorar a atención integral de mulleres migrantes en contextos de prostitución. No marco deste proxecto, difunden un cuestionario dirixido a profesionais de Servizos Sociais.

O custionario está dispoñible nesta ligazón.