Colexiación

 

Vantaxes
A colexiación é de carácter obrigatorio para o exercicio profesional nos casos previstos na lei. Bríndalle á persoa diplomada e/ou graduada en Traballo Social unha serie de beneficios, desde o punto de vista informativo, de axuda e de interese; ao mesmo tempo que se lle orienta e asesora desde un órgano profesional.

Vantaxes por estar colexiada/o no COTSG:

• Formar parte dun colectivo que apoia os intereses profesionais, fomenta a solidariedade profesional e promove o progreso e o prestixio do Traballo Social.

• Participar na estrutura colexial a través das Asembleas Xerais, Xunta de Goberno, grupos de traballo e comisións formadas por profesionais expertos e expertas en diversos sectores.

• Asesoría Profesional e Xurídica.

• Dereito de acceso a todos os servizos do COTSG (bolsa de emprego, orientación laboral, formación con descontos para persoas colexiadas, préstamo de fondos bibliotecarios, envío de publicacións e comunicacións periódicas de novidades informativas, …).

• Posibilidade de incorporación á listaxes profesionais (peritaxe sociais).

• Incorporación e acceso aos servizos do Consejo General de Diplomados en Trabajo Social (conta de correo electrónico con carácter corporativo, acceso a área restrinxida da web, etc.).

• Dedución da cota colexial na declaración do IRPF, sempre que se exerza a profesión.

• Dispoñibilidade de uso dos espazos e materiais do COTSG.

• Descontos en convenios para o colectivo (pólizas colectivas de seguros como sanidade, fogar ou responsabilidade civil profesional) e descontos en cadeas hoteleiras e axencias de viaxes.