Grupo de Intervención en Emerxencias Sociais (GIES)
Traballadoras e traballadores sociais colexiados, con formación específica, que interveñen en emerxencias e grandes catástrofes en Galicia.
Unha emerxencia non remata cando se apagan as sirenas. Ten unha compoñente social moi importante antes, durante e sobre todo despois. O GIES nace para cubrir ese oco.
Que fai o GIES?
Apoio psicosocial
Atención inmediata ás persoas afectadas e ás súas familias.
Persoas vulnerables
Maiores, menores, persoas con mobilidade reducida ou sen rede de apoio.
Recursos de urxencia
Aloxamento, manutención e necesidades básicas.
Información e orientación
Ponte entre a Administración, os corpos de emerxencia e a cidadanía.
Coordinación local
Con concellos, centros de saúde e hospitais, para que a atención continúe despois.
Dó e recuperación
Acompañamento no dó e nos procesos de recuperación.
Como se activa?
Prodúcese unha emerxencia ou catástrofe de nivel 2.
O CIAE 112 Galicia chama á persoa coordinadora do GIES.
A coordinación informa á Xunta de Goberno do COTSG.
Actívanse as persoas do GIES máis próximas ao lugar.
Convenio coa Xunta de Galicia
O 19 de marzo de 2025, o COTSG e a Xunta de Galicia, a través da Dirección Xeral de Emerxencias e Interior, asinaron un convenio en materia de protección civil. Por primeira vez, o Traballo Social forma parte estrutural do sistema de emerxencias en Galicia.
O PLATERGA recoñece o GIES como recurso necesario, e coa súa creación amplíanse os recursos do CIAE 112 Galicia.
O convenio, vixente ata o 31/12/2028, inclúe:
- Intervención directa en situacións de emerxencia
- Planificación de medios e recursos
- Elaboración de informes técnicos
- Organización de actividades formativas
- Participación en simulacros
Do proxecto á acción
Despois da DANA de Valencia, o Colexio retoma o proxecto, parado desde a pandemia, en reunións coa Dirección Xeral de Emerxencias.
Sinatura do convenio coa Xunta e apertura das inscricións.
Primeira formación: 30 horas en liña e dúas sesións presenciais na EGAP e na Academia Galega de Seguridade Pública.
Presentación oficial na sede da AXEGA, na Estrada.
Presentación do GIES ás entidades locais na FEGAMP.
Simulacros do PLATERGA: accidentes aéreos nos aeroportos de Santiago, Vigo e A Coruña; verteduras de metanol; incendio con nube tóxica en FORESA (Caldas de Reis). En coordinación con AXEGA 112, 061, Bombeiros, Garda Civil, Policía Nacional e Local, Protección Civil, Cruz Vermella e GIPCE.
Dispoñibilidade para colaborar nos incendios de Galicia e na crise migratoria de Ceuta, en coordinación co Consejo General del Trabajo Social.
Requisitos
- Estar de alta no COTSG e ao día nas cotas.
- Ter dispoñibilidade e compromiso co grupo.
- Realizar as formacións gratuítas do COTSG.
- Participar nos simulacros convocados.
Como inscribirse
Neste momento non se admiten novas solicitudes. Informaremos a través da web do Colexio cando se abra unha nova convocatoria.
Máis información: gies@traballosocial.gal · 981 568 100
Colexio Oficial de Traballo Social de Galicia · Rúa Dublín 6, baixo · Santiago de Compostela
