A comisión Deontolóxica do COTSG é un órgano colexial independente e permanente encargado de velar polo cumprimento do Código Deontolóxico do Traballo Social, garantindo unha práctica profesional ética, responsable e respectuosa cos dereitos das persoas atendidas.

Réxime de funcionamento e renovación:

Segundo recollen os Estatutos do Colexio, a Comisión Deontolóxica ten a mesma duración mandatal que a Xunta de Goberno. Tras cada proceso electoral e a constitución dunha nova Xunta de Goberno, procédese á disolución da comisión saínte e á convocatoria  e constitución dunha nova Comisión Deontolóxica, garantindo así a permanente renovación e adecuación das súas funcións ao marco institucional.