Durante este curso, o grupo de traballo centrará a súa actividade en dar continuidade ao traballo desenvolvido en etapas anteriores e avanzar en dúas liñas prioritarias no ámbito do SAF:

• Observatorio Galego de SAF. Impulsar o seu desenvolvemento como espazo de coñecemento, análise e visibilización da realidade dos Servizos de Axuda no Fogar en Galicia, contribuíndo á identificación de necesidades e á formulación de propostas de mellora.
• Revisión das ordenanzas municipais de SAF. Analizar o marco regulador existente e avanzar na elaboración de propostas orientadas á súa actualización e mellora, desde unha perspectiva profesional e co obxectivo de contribuír á calidade e á coherencia dos servizos.

Así mesmo, o grupo procurará consolidar o traballo iniciado en cursos anteriores, concretar propostas e avanzar na elaboración de resultados útiles para o conxunto da profesión, contribuíndo ao fortalecemento do traballo social e á mellora da calidade do SAF en Galicia.