O val do Baztán na localidade navarra de Lekaroz acolleu as xornadas, nas que o autocoidado profesional, unha das liñas de traballo do COTSG, foi transversal ás distintas actividades e obradoiros.
Inauguración do curso, con Emiliana Vicente, presidenta do Consejo General de Trabajo Social.
O evento celebrouse no Val do Baztán, unha zona coñecida pola beleza da súa natureza
A cita, organizada conxuntamente co Colegio Oficial de Trabajo Social de Navarra, contou coa participación de profesionais do Traballo Social de distintos puntos de España. O evento, sinalado como un “éxito” polo propio Consejo General, foi unha oportunidade para compartir coñecemento e experiencia con profesionais doutros lugares.
A través de obradoiros en pequenos grupos, as persoas participantes reflexionaron sobre os tres eixos esenciais do evento: coidarnos para coidar, o coidado grupo e a ética do coidado. A relevancia da profesión noutros ámbitos, así como a creación de espazos onde
compartir as inquedanzas sobre o Traballo Social, foron outros dous obxectivos cumpridos do eventos.
A II Escola de Verán completouse con distintos eventos de carácter cultural, así como visitas turísticas a esta zona de Navarra. O Consejo General publicou a crónica desta fin de semana, que se pode consultar aquí.
O COTSG traslada o seu agradecemento á organización desta edición, remarcando o beneficio destes eventos para o crecemento e a unidade da profesión.
Imaxe dun dos obradoiros
