Novas

O COTSG pide a Política Social que deixe a súa “actitude pasiva” e faga un “reforzo inmediato” dos equipos de servizos sociais

O COTSG pide a Política Social que deixe a súa “actitude pasiva” e faga un “reforzo inmediato” dos equipos de servizos sociais

  • Tamén demandan á FEGAMP que proceda a instar a todas as entidades locais da Comunidade Autónoma á contratación extraordinaria e urxente de traballadoras sociais que dean cobertura de xeito continuado e ininterrompido aos servizos sociais

Redacción, 15-04-20.- A Xunta de Goberno do Colexio Oficial de Traballo Social de Galicia (COTSG) cre que, tras o COVID19, os colectivos especialmente vulnerables poden caer en situacións de “extrema necesidade” que precisan dunha atención social “urxente e inmediata”. Desde o COTSG recordan que a situación que se viviu tras a crise de 2008 foi “dantesca” e por iso cren que a Consellería de Política Social debe “elaborar un plan que dea resposta e se anticipe á problemática social que se vai derivar do parón que implicou o coronavirus”. Do mesmo xeito cren que a Xunta debe “apostar por unha coordinación sociosanitaria decidida xa que, a falta desta, levounos a esta situación de crise de recursos”.

Neste sentido subliñan que “en Galicia non se están a cumprir as ratios de traballador/a social, que debería ser dun ou dunha profesional por cada 1700 habitantes, especialmente nas cidades onde os servizos sociais están totalmente desbordados”. O COTSG, como colaborador da Xunta no Teléfono de Atención Social, ten “coñecemento directo da sobrecarga de tarefas que están a ter as e os traballadores sociais e, en xeral, os servizos sociais comunitarios galegos”. A Xunta de Goberno subliña que os servizos sociais vanse “enfrontar a situacións de extrema necesidade e escaseza por parte da poboación” e por iso piden que a “administración galega cumpra o seu deber de previr e anticiparse á situación reforzando con contratacións estables os equipos e non con parches temporais”.

 

Servizos sociais esenciais
Desde o COTSG destacan que “esta necesidade é tan evidente” que o pasado 26 de marzo de 2020 publicouse no Boletín Oficial do Estado (BOE) a Orde SND/295/2020 por la que se adoptan medidas en materia de recursos humanos en el ámbito de los servicios sociales ante la situación de crisis ocasionada por el COVID-19.  Dita orde chega despois de ser declarados os Servizos Sociais como esenciais en todo o territorio estatal. Ao fío disto explican que “existe unha notoria falta de persoal nos centros e entidades públicas e privadas que acreditan que proven á cidadanía de tales servizos sociais esenciais”. “A consellería de Política Social debe deixar a súa actitude pasiva e adoptar medidas en relación cos recursos humanos que garantan unha adecuada asistencia” conclúen.

Petición á FEGAMP
A Xunta de Goberno tamén demanda á FEGAMP que proceda “a instar a todas as entidades locais da Comunidade Autónoma a contratación extraordinaria e urxente de traballadoras sociais que dean cobertura de xeito continuado e ininterrompido aos servizos sociais”. Neste sentido lembran que “a lei 2/2015, de 29 de abril, do emprego público de Galicia establece a posibilidade de contratar persoal funcionario interino de xeito inmediato e por un período de ate tres anos para suplir a necesidade de programas puntuais de urxente atención”. Isto permitiría para que “a poboación da zona poida contar cun ou cunha traballador/a social cumprindo coa normativa vixente que garanta o dereito da cidadanía a unha asistencia integral e de calidade”.

 

Imprescindible artigo da compañeira de Xunta de Goberno, Ana Rodríguez @cgtrabajosocial @trabsocialytal https://t.co/bJxZ6nOPlB
#CarvalhoCalero, o autor de Scórpio, foi estudoso incansable da nosa lingua e un gran pedagogo. Como moitas outras… https://t.co/4GFGTqSQNJ
"El COTSG señala la existencia de "mucho retraso" en la asignación de plazas residenciales de las emergencias que c… https://t.co/Qpqr2R77EW
Reclamamos que a Xunta envíe sen demora os protocolos para os servizos sociais e subliñamos moitas carencias no sis… https://t.co/2eD8t1tbJL