O Colexio Oficial de Traballo Social de Galicia abandona a rede social X
O Colexio Oficial de Traballo Social de Galicia anuncia que, tras a decisión adoptada pola súa Xunta de Goberno, cesará a súa actividade na rede social X.
Esta medida responde á crecente presenza de contido tóxico e a tendencias que difunden mensaxes contrarias aos valores que defende a nosa profesión e do seu código deontolóxico. Como entidade comprometida cos dereitos sociais, a xustiza social e a ética profesional, consideramos que é fundamental garantir espazos dixitais que fomenten un diálogo respectuoso e construtivo.
O COTSG continuará a súa labor de comunicación a través doutros medios e plataformas que permitan unha interacción máis segura, enriquecedora e acorde cos principios do traballo social.
Agradecemos a todas as persoas que seguiron a nosa actividade nesta rede social ata o de agora e convidámolas a manterse informadas a través das nosas canles oficiais.
Para calquera consulta ou suxestión, podedes contactar connosco a través da nosa páxina web, mail, e resto de redes sociais.
