Axudas económicas para o alumnado que realiza formación práctica en centros de traballo

Orde do 24 de abril de 2018 pola que se convocan axudas económicas para o alumnado que realiza formación práctica en centros de traballo.(DOG nº 91 do 14/5/2018)


Prazo de presentación de solicitudes:


Primeiro prazo: 31 días naturais contados a partir do día seguinte ao da publicación desta orde no Diario Oficial de Galicia, para o alumnado que realizase a FCT nos períodos outubro de 2017 a marzo 2018 e nos períodos xaneiro a xuño, xaneiro a marzo e abril a xuño de 2018. Todo o alumnado deste prazo deberá rematar o período da FCT antes do 31 de agosto de 2018.

O alumnado ao cal lle corresponda realizar a FCT no período de setembro a decembro de 2018 e que anticipase o período de FCT non se acollerá a este primeiro prazo.


Segundo prazo: será o comprendido entre o 14 de outubro e o 14 de novembro de 2018, para o alumnado de ciclos formativos que lle corresponda realizar a FCT no período de setembro-decembro de 2018. Este alumnado deberá rematar obrigatoriamente o período de formación en centros de traballo antes do 31 de decembro de 2018. O alumnado que teña horario flexible con autorización da dirección xeral e remate despois do 31 de decembro de 2018 acollerase á seguinte convocatoria de axudas.

👉O COTSG esixe á Dir Xeral da Función Pública a RECTIFICACIÓN INMEDIATA da nota publicada onte na web da Xunta onde… https://t.co/mzYTrmatdW
👉 Os atrasos na valoración para as persoas que o precisan en #dependencia e #discapacidade son inasumibles 👉… https://t.co/w1Nnk8Jfe8