A Ministra de Sanidade, Mónica García, contestou no pleno do Senado este mércores á senadora Olaia Durarte, do Grupo Parlamentario de Izquierdas pola la Independencia, sobre cando vai atender o Goberno a petición de recoñecer o Traballo Social sanitario como profesión sanitaria. Esta situación é unha realidade consolidada na práctica, pero sen translación ao ordenamento xurídico.
A ministra afirmou que comparte o posicionamento da senadora sobre a situación dos e das profesionais do sistema sanitario. Así sinalou que despois do traballo que o Ministerio esta realizando para o cambio do Estatuto Marco, procederan coa modificación da lei 44/2003, do 21 de novembro, de ordenación das profesións sanitarias, paso necesario para incorporar legalmente o Traballo Social á relación de profesións sanitarias.
A titular de Sanidade continuou explicando que se esta a traballar con organizacións para avanzar nas condicións desta modificación normativa, asegurando que en distintos plans do Ministerio os e as traballadoras sociais son elementos importantes na concepción da atención e coordinación sociosanitaria.
Podes ver aquí a nota do Consejo General e o vídeo da intervención da titular de Sanidade no Senado.
