O Ministerio de Sanidade dende o 18 de marzo abriu o prazo para presentar propostas para o Anteproxecto de Lei de modificación da lei44/2003, de 21 de novembro, de ordenamento das profesións sanitarias. Documento que podedes consultar no enlace seguinte. O contido deste texto é xeral, e non afonda en contidos concretos nin no contido dos artigos. É un documento que contén os motivos e obxectivos que pretende acadar a futura norma.
O Consello Xeral do Traballo Social, como representante da estrutura colexial, ten un longo traballo dende hai moitos anos que persigue o recoñecemento do Traballo Social como profesión sanitaria. Co obxectivo de capitalizar este esforzo realizara un documento que recolla esta demanda.
As colexiadas e colexiados que queiran facer as súas aportacións de xeito individual poden facelo ate o 16 de abril no seguinte enderezo electrónico: proyectosnormativos-dgorden@sanidad.gob.es
De xeito colectivo o COTSG convoca unha MESA ABERTA online dirixida a persoas colexiadas que estean a traballar actualmente no ámbito sanitario.
Terá lugar o 9 de abril a partir das 16.00 horas en modalidade online. Queremos recoller:
-Aportacións para a mellora da normativa
-Experiencias profesionais no ámbito sociosanitario
-Propostas para o recoñecemento do Traballo Social sanitario
Para inscribirse ou enviar aportación podes comunicarte a través do info@traballosocial.gal, prazo para enviar achegas ate o 9 de abril.
Consulta o ANTEPROXECTO
Consulta a actual Lei, en especial o artigo 2.
