O COTSG asinou un convenio de colaboración coa Consellería de Presidencia, Xustiza e Deportes, en materia de protección civil.
O obxecto do conveno é establecer as bases para a colaboración entre a Consellería, a través da Dirección Xeral de Emerxencias e Interior, e o Colexio, en canto a o apoio que este pode aportar á acción permanente dos órganos e autoridades competentes en materia de Protección Civil para a prevención e intervención antes as emerxencias.
Os obxectivos específicos contemplados son:
- Intervención en emerxencias nas que se decida a idoneidade da actuación dos medios e recursos do Colexio, integrándose nas distintas equipas de intervención.
- participación na planificación e desenvolvemento dos dispositivos de risco previsible.
- Colaborar coa Dirección Xeral de Emerxencias e Interior para a planificación e desenvolvemento de acción formativas, simulacros e grupos de traballo para asesoramento e informes técnicos.
A participación dos medios e recursos do COTSG realizarase a través do Centro de Atención de Emerxencias 112-Galicia.
Este convenio ten vixencia dende a súa sinatura ate o 31 de decembro de 2028, con posibilidade de prorrogas de un ano.
