Dereitos e deberes

Dereitos (art. 12º dos Estatutos do COTSG)
a) Exercer a profesión con plena liberdade, dentro do marco xurídico, deontolóxico e estatutario.
b) Participar na xestión corporativa e, polo tanto, exercer o dereito de petición, o de voto e o de acceso aos postos e cargos directivos, a través dos procedementos e cos requisitos estatutariamente establecidos.
c) Pedir e obter do colexio a asistencia e protección que poida necesitar para o correcto exercicio profesional, así como cando considere lesionados e lesionadas os dereitos profesionais ou colexiais.
d) Participar, dentro do respecto ás demais persoas colexiadas, do uso e proveito dos bens e servizos do colexio nas condicións regulamentariamente establecidas.
e) Ser informado da actuación profesional e social do colexio mediante boletíns, guías, anuarios e outras publicacións.
f) Beneficiarse das actividades e servizos común de interese para os colexiados de carácter profesional, formativo, cultural, asistencial e de prevención.
g) Esixir do colexio o visado dos traballos profesionais.
h) Gardar o segredo profesional, sen prexuízo das comunicacións interprofesionais dirixidas ao correcto tratamento dos casos.
i) Formular as suxestións por escrito e que estas sexan recollidas e tratadas nas reunión da Xunta de Goberno, logo da inclusión na orde do día.
j) Exercer o voto de censura.
k) Calquera outro dereito que lle sexa recoñecido nestes estatutos particulares.

Deberes (art. 13 dos Estatutos do COTSG)
a) Exercer a profesión de acordo coa ética profesional.
b) Axustar a súa actuación profesional ás esixencias legais e estatutarias da organización colexial e someterse aos acordos adoptados polos diferentes órganos colexiais.
c) Comparecer ante os órganos colexiais cando sexan chamados para iso.
d) Satisfacer as cotas e demais cargas fiscais corporativas, ordinarias ou extraordinarias, de acordo coas que sexan aprobadas en Asemblea Xeral.
e) Notificarlle ao colexio calquera acto de intrusismo profesional ou exercicio ilegal da profesión de que tivesen coñecemento.
f) Levar coa máxima lealdade as relación co colexio e cos demais colexiados.
g) Gardar o segredo profesional, sen prexuízo das comunicación interprofesionais encamiñadas ao correcto tratamento dos casos.
h) Cooperar coa Xunta de Goberno e facilitar información nos asuntos de interese profesional en que se lles solicite, así como naqueloutros que as persoas colexiadas consideren oportuno.
i) Comunicar a situación laboral, na cal se atopen.
j) Facilitarlle ao colexio os datos correctos necesarios para proceder ao cobramento da cotas de colexiación, así como os cambios que se produzan.
k) Calquera outro deber que derive do regulamento do colexio ou das prescricións xurídicas, éticas ou deontolóxicas vixentes en cada momento.

Grazas a @lavozdegalicia pola súa pronta rectificación na terminoloxía e, deste xeito, mudar "traballos sociais" po… https://t.co/XDuM1insbh
Enviamos unha carta a @lavozdegalicia porque non cremos que Yosi, de Los Suaves, teña formación para facer traballo… https://t.co/5HxBIWz3Fo
Desde o #traballosocial tamén axudamos a tecer recordos #tecendorecordos https://t.co/5B2nMXYYE2
Lamentamos que a Xunta obvie completamente a parte social na planificación da volta ás aulas. Non se fixo ningún es… https://t.co/bwaCFHZfrp
Hoxe é Día Mundial para a Prevención do Suicidio. Fixemos esta creación con 4 ideas falsas que dificultan este trab… https://t.co/8WxenuoIHh
Desde o #COTSG apoiamos a #folga educativa do 10 e o 16 de setembro e facemos nosas todas as reivindicacións formul… https://t.co/taigSLyzca
A compañeira de Xunta de Goberno, Ana Vilar, falou con Luís Iglesias da @SerGalicia sobre a preocupación do… https://t.co/OufVcw3HPw