Novas

Activada a quenda de garda social permanente para mulleres vítimas de violencia

Activada a quenda de garda social permanente para mulleres vítimas de violencia

Activada a quenda de garda social permanente para mulleres vítimas de violencia, os seus fillos e fillas menores e as persoas dependentes que teñan a cargo. Dita quenda pioneira ten como obxectivo unha intervención especializada e inmediata desde o traballo social para as vítimas de violencia machista. O protocolo poderá ser activado na situación de urxencia nos diferentes escenarios (sede policial, xudicial, domicilio etc.), as 24 horas do día, os 365 días do ano en todos os partidos xudiciais de Galicia. 

O convenio recolle que esta quenda de garda é un servizo público de balde para as mulleres e menores a quen vai dirixido. O perfil de usuario é calquera muller, menores ao cargo e persoas dependentes ao seu cargoque sufran violencia de xénero, que se atope nunha situación de urxencia derivada da situación de violencia de xénero dentro do contexto dunha actuación policial ou xudicial e que solicite a atención voluntariamente tras ser informada de este recurso.

Procedemento

O procedemento de activación comezará cunha chamada das Forzas e Corpos de Seguridade ou Xulgados con competencias en violencia de xénero ao Teléfono de Información ás Mulleres, 900 400 273, operativo as 24 horas dos 365 días ao ano, que á súa vez se porá en contacto coa persoa da quenda de garda correspondente para garantir a presenza inmediata do ou da traballadora social no lugar sinalado polas Forzas e Corpos de Seguridade ou xulgados. A ou o traballador social que atenda á persoa será sempre unha ou un colexiado con coñecementos específicos nesta área.

Formación especializada

O COTSG puxo en marcha durante os meses de maio e xuño unha formación específica nas catro provincias galegas á que asistiron as persoas que forman parte da quenda.

Os obxectivos desta formación foron: dotar ás e aos profesionais do Traballo Social de coñecementos e habilidades específicas para a intervención con persoas vítimas de violencia de xénero; coñecer os procesos psicosociais inherentes á violencia de xénero; identificar as fases da violencia de xénero e o proceso de toma de conciencia, ruptura e superación; aplicar as técnicas de intervención de traballo social na abordaxe de situacións de violencia de xénero, así como coñecer os recursos implicados, a normativa vixente e os mecanismos de coordinación con outros axentes implicados.

Dita formación posibilita que as e os profesionais que forman a quenda coñezan todos os recursos necesarios para atender ás mulleres vítimas de violencia machista.

Continuamos cos #EncontrosVirtuais, desta volta falamos de Traballo Social e Políticas Públicas con @EmiVicenteTShttps://t.co/Rdtn1kILAK
Remitimos este comunicado a Función Pública, aos partidos políticos con representación parlamentar (@ppdegaliciahttps://t.co/LBW0sub3YU
Antes de que remate a fin de semana queremos volver sobre a #saúdemental e os #paliativos. Para iso falamos coa com… https://t.co/sNOHyeX36X
Hoxe é o #DíaMundialDaSaúdeMental e por iso entrevistamos á compañeira de #colexiación Gemma González, traballadora… https://t.co/p9aTiMnbjd
Grazas a @lavozdegalicia pola súa pronta rectificación na terminoloxía e, deste xeito, mudar "traballos sociais" po… https://t.co/XDuM1insbh
Enviamos unha carta a @lavozdegalicia porque non cremos que Yosi, de Los Suaves, teña formación para facer traballo… https://t.co/5HxBIWz3Fo