Como precolexiarse ?


A figura do alumnado precolexiado é transitoria e previa á de profesional colexiado e colexiada; créase para dar acceso ao estudantado que estea matriculado no Grado en Traballo Social, e/ou realizando o Traballo de Fin de Grao, e que desexe incorporarse ao COLEXIO OFICIAL DE TRABALLO SOCIAL DE GALICIA.

OBXECTIVOS
Facilitarlle o acceso ás persoas que se atopen próximas a obter o Grao en Traballo Social á futura colexiación, así como

  • Favorecer o contacto do COTSG co ámbito do estudantado das Escolas Universitarias e Facultades de Traballo Social de Galicia.
  • Fomentar o vínculo do colectivo e os beneficios do grupo para mellorar as condicións da profesión de servizos á cidadanía.

REQUISITOS PARA SOLICITAR A PRECOLEXIACIÓN
Ser estudante/a do Grao en Traballo Social e/ou estar a realizar o Traballo de Fin de Grao para a obtención da devandita titulación.
Presentar a correspondente solicitude por escrito dirixida á Presidencia do Colexio Oficial do Traballo Social de Galicia, acompañada da documentación requirida.

DOCUMENTACION PARA SOLICITAR A PRECOLEXIACIÓN

  • 1 fotografías tamaño carné.
  • Fotocopia do DNI / NIE / Pasaporte.
  • Fotocopia compulsada do Certificado Académico co número de créditos superados no Grao de Traballo Social.
  • Fotocopia compulsada da matrícula no Grao en Traballo Social do ano en curso.
  • Solicitude de alta de precolexiación cumprimentada.

COTA DE PRECOLEXIACION

  • Establécese unha cota de precolexiación de 30,00 €. O importe da cota de precolexiación poderá ser modificada por acordo da Xunta de Goberno do Colexio.
  • O feito de ser precolexiado/a, eximirá do pago da matriculación unha vez se pase a formar parte do COTSG como colexiados/as.

LUGAR DE PRESENTACION DA SOLICITUDE
A solicitude debidamente cumprimentada, xunto coa documentación necesaria para solicitar a precolexiación, presentásese na sede do Colexio do Traballo Social de Galicia sito na Rúa Dublín 6 baixo en Santiago de Compostela.

DEREITOS E OBRIGAS DAS PERSOAS PRECOLEXIADAS
A figura da Precolexiación é totalmente voluntaria, e non se adquiren os dereitos e deberes das persoas colexiadas, senón só o acceso aos servizos que se explicitan no presente regulamento.
Unha vez recibida a solicitude de precolexiación, acompañada da documentación necesaria, o Colexio procederá á inscrición da persoa solicitante cunha clave que se facilitará á persoa interesada. Dita clave será anulada no momento que cause baixa a persoa pre-colexiada.
As persoas precolexiadas gozarán dos mesmos servizos que as persoas colexiadas agás as asesorías xurídica e laboral.
Serán servizos para as persoas colexiadas:

  • Orientación Laboral
  • Biblioteca e asesoría documental e bibliográfica
  • Acceso aos servizos da web para persoas colexiadas
  • Acceso á formación do COTSG
  • Acceso ás publicacións realizadas polo COTSG (Fío e Fervenzas)

Son obrigas das persoas precolexiadas:

  • Acatar o disposto no presente Regulamento.
  • Participar, dentro do respecto aos demais, do uso e goce dos bens e servizos do Colexio nas condicións establecidas no presente
  • Regulamento e nas disposicións xerais de uso do Propio COTSG.

DURACION DA PRECOLEXIACION
A condición de precolexiación renovarase o 30 de setembro de cada ano, a partir do ano seguinte ao da 1ª precolexiación, a través da presentación dunha copia da matrícula do curso académico que corresponda e do xustificante de pago da cota de precolexiación.
A finalización dos estudos que conducen á obtención do título dá lugar á perda da condición de precolexiación.

PERDA DA SITUACIÓN DE PRECOLEXIACIÓN
Unha vez finalizados os estudos, e previa achega da documentación acreditativa de estar en posesión da titulación universitaria de Grao en Traballo Social, poderá solicitarse a alta como persoa colexiada nas condicións que en cada momento estean en vigor no Colexio Oficial de Traballo Social de Galicia.
Son causas da perda da condición de precolexiación as seguintes:

  • Petición expresa por escrito da persoa interesada ante o Colexio.
  • Falta da presentación da copia da matrícula do ano en curso no prazo establecido a tal fin.
  • Finalización dos estudos que conducen á obtención do Grao en Traballo Social.

PROTECCIÓN DE DATOS
As persoas colexiadas pasarán a formar parte dun ficheiro como usuarias, propiedade do COTSG e inscrito na Axencia Española Protección de Datos. Os dereitos sobre os datos de cancelación ou modificación nese ficheiro poderán ser exercidos en calquera momento polas persoas precolexiadas dirixíndoos ao Colexio mediante envío de correo-e ao enderezo-e: info@traballosocial.org

Solicitude alta precolexiación (.doc)
Solicitude alta precolexiación (.pdf)

#WebDoCOTSG Iniciamos esta etapa con moita ilusión e con ánimo de traballar para defender a nosa profesión, ás e ao… https://t.co/FYi7EHDcpW
#FormaciónCOTSG "O Traballo Social pretende quebrar o estigma mediante a información e formación arredor da Saúde M… https://t.co/X6iJeysaJD
Cóntanos @xosecuns que a entrevista que lle fixemos para a #WebDoCOTSG lle fixo reflexionar, e por iso escribiu est… https://t.co/Ri4g52Pj9r
Ollo! Está aberto o periodo de alegacións para o Decreto da #Risga da @Xunta Consulta como facelo na nosa web… https://t.co/yEO0H0yH8d
#FormaciónCOTSG lembrade consultar os últimos cursos de #teleformación https://t.co/Ex3QQniSXV
#WebDoCOTSG Podedes ver a entrevista a @xosecuns Todo un luxo!!!! #TecendoRede https://t.co/9Ritx6xoCs
Vale que hoxe son as eleccións en Cataluña, pero as do Colexio de Traballo Social non son menos importantes! Xa pas… https://t.co/B9j7Qbx53F
Moita xente pequena, en sitios pequenos, facendo cousas pequenas, pode mudar o mundo. O COTSG deséxavos un Bo Nadal… https://t.co/AkqzS4GdRl
#WebDoCOTSG Facemos un popurri con algunhas das noticias que saíron nos medios sobre o COTSG, mesmo en… https://t.co/3RA6YnJ02W
#FormaciónCOTSG lembra anotarte nestes dous cursos. As prazas son limitadas!! Traballo Social e promoción da saúde… https://t.co/JyVaNXeAY2
Así, a guía amosa exemplos -deficientes e correctos- de novas ligadas á exclusión social, os feminicidios, a divers… https://t.co/HZirBUtTmk