Ética no traballo social

O primeiro código deontolóxico en Traballo Social editado polo Consello Xeral do Traballo Social foi aprobado por Asemblea Xeral de Colexios Oficiais de Diplomados en Traballo Social e Asistentes Sociais na súa sesión extraordinaria de 29 de maio de 1999. Desde entón, no seguintes dez anos, o código imprimiuse até en seis ocasiones.

O presente documento é unha actualización do anterior texto, sendo o primeiro Código Deontolóxico do século XXI que edita o Consello Xeral do Traballo Social, e xustificase na necesidade de profundar nos principios éticos e deontolóxicos profesionais atendendo ás novas realidades sociais e ás normas que inflúen directamente na actividade profesional.

Os seus obxectivos, entre outros, teñen que ver coa necesidade de acotar responsabilidades profesionais, promover o incremento dos coñecementos científicos e técnicos, definir o correcto comportamento profesional coas persoas, coa persoa usuaria e con outros profesionais, evitar a competencia desleal, manter o prestixio da profesión, perseguir o constante perfeccionamento das tarefas profesionais, atender ao servizo á cidadanía e ás institucións, valorar a confianza como factor importante e decisivo nas relacións públicas e servir de base para as relacións disciplinarias.

Se o anterior documento estableceu un marco de regulación dos principios éticos e criterios profesionais polos que se rexe a profesión de traballo social, o actual código pretende superar as dificultades coas que se atopou a profesión ao longo da década seguinte. Este código serve para confirmar o compromiso da profesión do traballo social coa sociedade, incluíndo os avances científico-técnicos e o desenvolvemento de novos dereitos e responsabilidades tanto do profesional do traballo social como das persoas usuarias.

Respecto ao papel do profesional do traballo social, habemos de ter en conta as súas funcións:

Ocúpanse de planificar, proxectar, calcular, aplicar, avaliar e modificar os servizos e políticas sociais para os grupos e comunidades. Actúan con casos, grupos e comunidades en moitos sectores funcionais utilizando diversos enfoques metodolóxicos, traballan nun amplo marco de ámbitos organizativos e proporcionan recursos e prestacións a diversos sectores da poboación a nivel micro, meso e macro social. Algunhas das funcións poderanse desenvolver de maneira interrelacionada, de acordo á metodoloxía especifica da intervención que se utilice.

Diso despréndese:

  • Información
  • Investigación
  • Prevención
  • Asistencia
  • Atención directa
  • Promoción e inserción social
  • Mediación
  • Planificación
  • Xerencia e dirección
  • Avaliación
  • Supervisión
  • Docencia
  • Coordinación

 

Para desenvolver as súas funcións, os profesionais do traballo social contan cuns instrumentos específicos do traballo social:

 

  • Historia social, documento no que se rexistran exhaustivamente os datos persoais, familiares, sanitarios, de vivenda, económicos, laborais, educativos e calquera outros significativos da situación socio-familiar dunha persoa usuaria, a demanda, o diagnóstico e subseguinte intervención e a evolución de tal situación.
  • Ficha Social, soporte documental de traballo social, no que se rexistra a información sistematizable da historia social.
  • Informe Social, ditame técnico que serve de instrumento documental que elabora e asina con carácter exclusivo o profesional do traballo social. O seu contido derívase do estudo, a través da observación e a entrevista, onde queda reflectida en síntese a situación obxecto, valoración, un ditame técnico e unha proposta de intervención profesional.
  • Escalas de valoración social. Instrumento científico que serve para identificar situacións sociais nun momento dado. Permite elaborar un diagnóstico social
  • Proxecto de intervención social, deseño de intervención social que comprende unha avaliación-diagnóstico da situación e persoas con quen actuar, unha determinación de obxectivos operativos, actividades e tarefas, utilización de recursos, temporalización e criterios de avaliación.

 

En base a estas premisas que definen a actividade do traballador/a social elaborouse un Código Deontolóxico para a profesión do traballo social en España, documento fundamental para o bo desempeño da profesión.

Sirvan as presentes normas deontolóxicas para recoller os dereitos e deberes de todos os traballadores sociais no exercicio da súa actividade profesional.

#WebDoCOTSG Iniciamos esta etapa con moita ilusión e con ánimo de traballar para defender a nosa profesión, ás e ao… https://t.co/FYi7EHDcpW
#FormaciónCOTSG "O Traballo Social pretende quebrar o estigma mediante a información e formación arredor da Saúde M… https://t.co/X6iJeysaJD
Cóntanos @xosecuns que a entrevista que lle fixemos para a #WebDoCOTSG lle fixo reflexionar, e por iso escribiu est… https://t.co/Ri4g52Pj9r
Ollo! Está aberto o periodo de alegacións para o Decreto da #Risga da @Xunta Consulta como facelo na nosa web… https://t.co/yEO0H0yH8d
#FormaciónCOTSG lembrade consultar os últimos cursos de #teleformación https://t.co/Ex3QQniSXV
#WebDoCOTSG Podedes ver a entrevista a @xosecuns Todo un luxo!!!! #TecendoRede https://t.co/9Ritx6xoCs
Vale que hoxe son as eleccións en Cataluña, pero as do Colexio de Traballo Social non son menos importantes! Xa pas… https://t.co/B9j7Qbx53F
Moita xente pequena, en sitios pequenos, facendo cousas pequenas, pode mudar o mundo. O COTSG deséxavos un Bo Nadal… https://t.co/AkqzS4GdRl
#WebDoCOTSG Facemos un popurri con algunhas das noticias que saíron nos medios sobre o COTSG, mesmo en… https://t.co/3RA6YnJ02W
#FormaciónCOTSG lembra anotarte nestes dous cursos. As prazas son limitadas!! Traballo Social e promoción da saúde… https://t.co/JyVaNXeAY2
Así, a guía amosa exemplos -deficientes e correctos- de novas ligadas á exclusión social, os feminicidios, a divers… https://t.co/HZirBUtTmk